Drejtori i Përgjithshëm i Rai, Roberto Sergio kërkoi marrjen e masave të menjëhershme disiplinore ndaj një gazetari të TV publik, i cili dyshohet se ka publikuar një postim tallës në Twitter kundër Big Mamas e cila konkurroi në Sanremo 2024. Këngëtarja 23-vjeçare me origjinë një fshat në provincën e Avellino, e cila emrin real e ka Marianna Mammone, është aktualisht artistja më e diskutuar e festivalit. Kënga e saj “La rabbia non ti basta” , konsiderohet si një dedikim ndaj vetes.
Big Mama aty ka folur për dhimbjet që ka ndjerë në 23 vite të jetës së saj. Duke nisur nga bullizimi prej pamjes dhe peshës e deri tek abuzimi seksual, këngëtarja pranon se muzika e ka ndihmuar të shërojë shumë nga këto plagë.
Ndërkohë, po shkakton diskutime edhe krahasimi i “Striscia la notizia” që vendosi Big Mama përkrah Ursulës, shtrigës së Sirenës së Vogël. Marianna e cila ka kaluar edhe tumor kur ishte 20 vjeç e pas 12 ciklesh kimio, arriti ta mposhte sëmundjen, në një intervistë për La Stampa reagoi ndaj këtyre komenteve ndaj saj:
“Meme për Ursulën nga Sirena e Vogël? Më dhemb, por ajo është po aq ikonë sa unë. Ju nuk jeni”, u shpreh këngëtarja.