Gjatë një fjalimi sot në Tetovë, kryeministri i Kosovës, Albin Kurti i ka drejtuar një mesazh qeverisë së Maqedonisë së Veriut.
Kurti është shprehur se qeveria maqedonase duhet të mbajë larg Serbinë, dhe të qëndrojë pranë Shqipërisë dhe Kosovës. Kryeministri tha se sa më larg Millosheviçit e Putinit, aq më afër do të jetë Maqedonia e Veriut drejt anëtarësimit në BE.
“Maqedonia e Veriut sa më afër Kosovës, Shqipërisë dhe Bullgarisë, e sa ma larg Serbisë e cila nuk po distancohet as nga Millosheviçi e as nga Putini, do të jetë aq më afër anëtarësimit me Bashkimin Evropian dhe aq më i sigurt do të jetë rajoni ynë i Ballkanit. E për këtë ne duhet ta ndihmojmë dhe do ta përkrahim Maqedoninë e Veriut”, tha Kurti.