Duhen vetëm gjashtë minuta për të “ndezur gjakrat” në dhomën e gjumit, dhe nuk jemi ne ata që e themi këtë, por shifrat zyrtare.
Shumë shpesh çiftet, sidomos kur janë të martuar, e përdorin si justifikim për të mos u përmbajtur nga seksi, për mungesën e kohës. Marrëdhëniet seksuale të reduktuara ose jo ekzistuese, megjithatë, në një marrëdhënie – sipas këshilltarëve të martesës dhe psikologëve – mund të jetë katastrofike për zhvillimin e saj. Ata përdorin të njëjtin justifikim për të shmangur paralojwn.
Një sondazh i ri nga Bordi i Edukimit Seksual dhe Informacionit i Kanadasë dhe kompania e prezervativëve Trojan, zbuloi se vetëm 6 minuta janë të mjaftueshme që njerëzit të ndjehen të këndshëm në dhomën e gjumit dhe të kalojnë një kohë shumë më të mirë. Çfarë duhet të bëjë çifti në këto gjashtë minuta? Puthja, përqafimi, përkëdhelja e butë dhe ndarja e fjalëve të ëmbla.
Sondazhi përfshiu 1500 njerëz me preferenca të ndryshme seksuale, nga 18 në 24 vjeç. Rezultatet treguan se pjesëmarrësit që ndoqën “rregullin 6-minutësh” ishin shumë të kënaqur seksualisht pas aktit. Kjo kënaqësi u rrit më shumë kur çifti i kushtoi pak më shumë kohë (gjithashtu 6 minuta) bisedës së relaksuar, përqafimeve dhe përkëdheljes pas seksit.
“Rregulli 6-minutësh” dukej të ishte veçanërisht i rëndësishëm për gratë, me 61% të atyre që morën pjesë duke raportuar se nuk mund të arrinin orgazëm pa të. Në anën mashkullore përqindjet ishin pak a shumë të njëjta, me pjesëmarrësit meshkuj që ranë dakord se 6 minutat e paralojws me përkëdhelje dhe përqafime e bënë të gjithë procesin më argëtues, edhe pse arritën të arrijnë kulmin pa to.
Pse është e rëndësishme puthja dhe përqafimi? Përveçse shprehim butësi, puthjet dhe përqafimet na çlodhin dhe na ndihmojnë të shprehemi më hapur me personin që kemi pranë. Gjatë këtyre momenteve më personale, puthjet dhe përqafimet lëshojnë hormonet e humorit të mirë dhe dashurisë (serotoninës dhe oksitocinës), duke na bërë të ndihemi më të këndshëm dhe më të bukur.
