Lew Palter i cili ka luajtur në filmin “Titanic” ka ndërruar jetë në Los Angeles në moshën 94-vjeçare. Aktori ishte i diagnostikuar me kancer në mushkëri.
Lew Palter mbahet mend në skenën kinematografike si njeriu që shtriu gruan e tij në shtrat, ndërsa anija ”Titanic” u fundos, duke e kthyer skenën disa-sekondëshe në më rrëqethësen të të gjitha kohërave.
Karakteri i tij bazohej në një person real pasi Isidor Straus dhe gruaja e tij vdiqën vërtet në bordin e anijes.
Lew Palter ka qenë mësuesi i disa nga aktorëve me famë botërore, duke përfshirë të nominuarit për “Oscar” Don Cheadle dhe Ed Harris dhe të nominuarën për “Emmy” Cecily Strong.
