Teksa vera afrohet, mediat kudo në botë kanë nisur krijimin e top-listave për festivalet që nuk duhet humbur. “T.H.E Music Essentials” është një prej tyre. Në top 5 ka vendosur edhe “Sunny Hill Festival”.
Në mesin e pesë festivaleve më të mëdha evropiane radhitet edhe festivali Sunny Hill Festival i cili nga autori cilësohet si “padyshim festivali më i mirë në Evropën Juglindore”.
Eventi më prestigjioz që mbahet në Kosovë, Sunny Hill Festival është gjithashtu padyshim festivali më i rëndësishëm i Evropës Juglindore për shkak të performuesve të jashtëzakonshëm që performojnë çdo vit.
Për vitin 2023 çmimet dhe performuesit ende nuk janë shpallur, pa marrë parasysh, ky event konsiderohet si i domosdoshëm (Must See) për dashamirët e muzikës dhe kulturës.
Në edicionet e kaluara kanë performuar artistë si Dua Lipa, Miley Cyrus, J Balvin, Calvin Harris, Martin Garrix, Afrojack, Hardwell, dhe shumë artistë të tjerë shumë të njohur ndërkombëtarë si dhe artistë shumë të njohur lokalë.
Lista e pesë festivaleve të preferuara është:
Primavera Sound (May 29th – June 4th) – Barcelonë, Spanjë
Glastonbury (June 21st – June 25th) – Shepton Mallet, Somerset, Mbretëri e Bashkuar
Womad (July 27th – July 30th) – Malmesbury – Mbretëri e Bashkuar
Sunny Hill Festival (beginning of August) – Prishtinë, Kosovë
Rock and Seine (August 23rd – August 27th) – Paris, Francë.
