Një aksident i rëndë me dy viktima është shënuar në ‘Rrugën e Arbrit’ ku janë përplasur dy automjete dhe për pasojë kanë ndërruar jetë 2 persona dhe është plagosur rëndë një tjetër i cili ndodhet në spital nën kujdesin e mjekëve. Sipas njoftimit të policisë aksidenti ka ndodhur afër ‘Shkallës së Tujanit’ në afërsi të fshatit Zallbastar të Tiranës.
Si pasojë e përplasjes, njëri nga automjetet ka rënë nga lartësia në humnerë dhe 2 shtetasit që kanë qenë në këtë automjet kanë humbur jetën.
Grupi hetimor po punon për sqarimin e rrethanave të aksidentit dhe për identifikimin e 2 shtetasve që kanë humbur jetën.
