Reality show më i ri që pritet të fillojë së shpejti në ekranin shqiptar është “Ferma”. Ky reality show i krijuar në Suedi në vitin 2011 nga ‘Strix’ dhe i shitur më pas në 40 shtete, do të transmetohet në Vizion Plus dhe do të bëjë të mundur që gjithë VIP-at të lënë komoditetin e jetës së tyre dhe të zhvendosen për 3 muaj në një fermë, ku do të mjelin lopët dhe do të punojnë tokën.
Formati parashikon që një grup me persona të famshëm VIP, të cilët do të zhvendosen në një fermë ku ka vetëm kafshë dhe vegla për të punuar tokën dhe për të bërë punët e fermës. Çdo javë ka nominime dhe konkurrentët eliminohen nëpërmjet televotimit nga publiku.
Në finale tre ose katër konkurrentët e mbetur do të konkurrojnë për çmimin e madh një shumë parash të paracaktuar nga produksioni, shumë e cila ende nuk është bërë publike. ‘Ferma’ do të transmetohet non stop nën vëzhgimin e telekamerave në një kanal me pagesë në platformën Tring.
