Një konflikt për pronat mes dy vëllezërve ka përfunduar në përdorimin e armës. Ngjarja ka ndodhur rreth orës 08:00, në fshatin Çukas të Vjetër në Fier, ku Hazis Musai 54 vjeç ka goditur me sëpatë, vëllanë e tij, 77-vjeçarin Nazif Musai. Ky i fundit më pas e ka plagosur të vëllanë me pistoletë duke e qëlluar në ballë.
Të dy të dëmtuarit janë transportuar fillimisht në spitalin e Fierit dhe më pas për shkak të gjendjes së rëndë shëndetësore Hazis Musai është transportuar drejt spitalit të Traumës në Tiranë. Armët e përdorura në konflikt janë sekuestruar nga policia.
