Në faqen zyrtare të Big Brother janë ngritur disa pikëpyetje në lidhje me konkurrentin Liam Mandiaro, i cili u arrestua brenda shtëpisë së famshme menjëherë pasi u bë pjesë e formatit. Produksioni trazoi rrjetin, duke zbuluar se këtë prime, Mandiaro mund të hyjë sërish në shtëpi.
Lajmi bëri bujë të madhe të rrjete sociale duke u evidentuar si rast i parë i ndodhur ndonjëherë në formatin e njohur me patentë ndërkombëtare. Pritet të zbulojmë sot nëse Liam do të hyjë vërtetë në shtëpi dhe si.
Kujtojmë se ai rezultonte i dënuar me 2 vjet e 6 muaj burgim për veprën penale “Mashtrimi”, pasi në vitin 2019, nëpërmjet mashtrimit, ka përvetësuar 17 bileta turistike për në Gjermani, për të cilat nuk ka kryer pagesat përkatëse. Për rrjedhojë, një ditë pasi Liami u bë pjesë e BBV Albania, policia mësyu brenda shtëpisë më të famshme në Shqipëri për ta arrestuar.