Tre zyrtarë të Policisë së Kosovës e rrëmbyer 10 ditë më parë nga forcat serbe teksa ishin duke ngrënë bukë gjatë orarit të punës në veri të vendit, janë vizituar nga familjarët.
Lajmi është bërë publik nga ministri i Punëve të Brendshme, Xhelal Sveçla në një konferencë për mediat.
“Familjarët i kanë vizituar ata. Ne jemi në përkrahje të çfarëdo nevoje që këta policë kanë dhe patjetër edhe të familjeve të tyre. Barnat tashmë është raportuar se kanë shkuar dhe ne përveç se kërkojmë presim po ashtu që këta zyrtarë policor të lirohen sa më parë.
Rrëmbimi i tyre është edhe një dëshmi se Serbia nuk ka ndryshuar fare nga ajo e viteve të ’90 ku edhe i shkaktoi katër luftëra”, ka thënë Sveçla.