Qendra Evropiane e Këshillit Atlantik do të zhvillojë një takim për çështjen e dialogut Kosovë-Serbi dhe në këtë mbledhje do të bashkohen virtualisht edhe i dërguari i posaçëm i SHBA-së për Ballkanin Perëndimor Gabriel Escobar dhe i dërguari i posaçëm i BE-së për dialogun Kosovë-Serbi, Miroslav Lajçak. Takimi pritet të nisë në orën 15:00.
Në paralajmërimin e Këshillit Atlantik theksohet se progresi i fundit në normalizimin e marrëdhënieve ndërmjet Serbisë dhe Kosovës përmes dialogut të lehtësuar nga BE-ja kërcënohet, nga përshkallëzimi i tensioneve në veri të Kosovës.
Nuk dihet nëse dy të dërguarit e posaçëm të SHBA-së dhe BE-së do të dalim me deklarata ultimatumi apo do të vijojnë ndërmjetësimin mes palëve.