Situatë e qetë edhe këtë të enjte në veri të Kosovës. Sërish ka grumbullime të qytetarëve të komunitetit serb rreth godinave të komunave. Ditën e sotme nuk vërehet prani e policisë së Kosovës por vetëm prezencë të forcave të KFOR-it. Deri tani nuk raportohet për incidente ndërsa policia e Kosovës u ka bërë thirrje qytetarëve që mos t’u bashkohen grumbullimeve të serbëve në veri.
Raportohet se protestues janë mbledhur rreth komunës së Leposavicit dhe Zveçanit. Punën e vijon vetëm kryetari i Leposavicit ndërsa dy kryetarët e tjerë, të Zveçanit dhe Zubin Potokut kanë njoftuar se nuk do të jenë në zyra.