Kryeministri i Kosovës, Albin Kurti nuk është takuar ditën e sotme me homologun Edi Rama, i cili ka vizituar zyrtarisht Prishtinën sot.
Duke dalë nga ambientet e zyrës së tij, kryeministri Kurti është pyetur nga mediat nëse ka plan të takohet me Ramën, pyetje së cilës kreu i qeverisë së Kosovës ka refuzuar t’i përgjigjet.
Kurti ka përshëndetur gazetarët dhe ka hyrë në automjetin e tij dhe është larguar.
Nga ana tjetër, Rama është shprehur gjatë vizitës së tij më herët në Maqedoni, në kuadër të turit ballkanik, se nuk beson se Kurti e ka harruar Kanunin, pasi edhe hasmit nuk i mbyllet dera kur të vjen në shtëpi.
