Pas incidentit të ndodhur ditën e sotme në Kuvendin e Kosovës, Prokurori i Shtetit ka nisur hetime për veprën penale “Sulmi”. Gjithashtu është autorizuar policia të ndërmarrë të gjitha veprimet e nevojshme hetimore, duke konsideruar edhe marrjen e deklaratave të palëve të përfshira në këtë rast.
Deputetët e opozitës ndërprenë fjalimin e kryeministrit Kurti, gjatë seancës së sotme plenare, teksa deputeti i PDK-së, Mërgim Lushtaku i hodhi ujë kryeministrit dhe zëvendësit të tij, Besnik Bislimi.
Kjo u pasua me përleshje fizike mes deputetëve të PDK-së dhe anëtarëve të Qeverisë Kurti.