Aurela Gaçe prej vitesh është pjesë e skenës muzikore shqiptare. Me shumë hite muzikore, çmime të fituara, mund të themi me bindje që Aurela ka shkëlqyer në skenë duke kënduar gjithmonë “live” me zërin e saj kumbues.
Mirëpo, një postim i fundit i këngëtares njofton se ajo nuk do të jetë pranë publikut gjatë sezonit të dimrit. Aurela thotë se do të këndojë në data të caktuara.
“Për të gjithë ju që jeni mësuar të më shihni me performanca “live” prej pothuaj 10-11 vitesh në Tiranë, për të gjithë ju që më pyesni se kur do fillojë sezoni iri, ju bëj me dije se këtë sezon dimëror nuk do jem pranë jush. Sigurisht do të jem me data të caktuara por jo çdo fundjavë, ashtu si vitet e mëparshme”, shkruan Aurela në Instagram.
