Mc Kresha ka sqaruar një deklaratë që bëri disa kohë më parë në një intervistë ku tha se “nuk do të bënte muzikë gjithë jetën”. Kresha sqaroi se ishte një deklaratë në kuadër të një pyetjeje gjatë intervistës, e cila, më vonë u komentua gjatë.
“Ishte përgjigjja e një pyetjeje gjatë një interviste. Thashë, kismet, kur të ndalem, nuk do të bëj me rap, sepse muzika rap, mendoj që i takon një periudhe kohore. Kështu ka qenë përgjigjja”, tha Kresha.
Reperi tha se është e vështirë për një këngëtar të japë intervista pasi fjalët ndonjëherë keqinterpretohen.
“Është e vështirë te ne edhe të japim intervista, sepse i nxjerrin fjalët nga konteksti dhe krijojnë një fjali të re me fjalët e tua. Është një lloj inteligjence artificiale për klikime, dhe i kuptoj. Por nuk është se më intereson. Sepse nuk mendoj se do merrem me hip hop gjithë jetën time”, shtoi ai.
