Luiz Ejlli është rrëfyer në lidhje me historinë e dashurisë me Kiara Titon e cila lindi brenda mureve të shtëpisë së Big Brother Vip.
Ai është shprehur në një intervistë me Meriton Mjekiqin se ka luftuar shumë për ta fituar atë vajzë teksa ndodhej brenda shtëpisë së BBV dhe tani qëllimi i tij është të ruajë marrëdhënien që kanë ndërtuar.
“Jo nuk është se është xheloze thjesht thotë më mend në kokë. Është mëse normale që në çift të ketë xhelozi. Unë jam vetë natyrë ngacmuese. I them u lodha mbrëmë më erdhën disa balerina. Ajo e ka njohur natyrën time dhe për këtë gjë e vlerësoj. Nuk dua që të pështyj aty ku kam lëpirë. Kam luftuar shumë për atë vajzë. Nuk janë të vështira gjërat që të fitohen aq sa janë të vështira për t’u mbajtur”, deklaroi ai.
Ai është ndalur edhe te filmi me Oltën dhe roli që do të luajë përkrah saj si çift.
“Kasti është me aktorë të jashtëzakonshëm. Unë jam një djalë i thjesht që bën një punë normale të thjeshtë. Familja e nuses janë familja elitë, familja model. Ndihem pak keq që kam diferencë me ta dhe kjo bëhet shkak për t’u ndarë. Gruaja është Olta Gixhari. Kaq bukur e lozim atë pjesën që ndahemi. Na vjen natyrshëm. Unë kam bërë disa skena para se të ikja. Xhirimet do zgjasin deri më 15 korrik. Skenari është në gjuhë letrare, por unë do flas në gjuhë shkodrane”, deklaroi Luizi.
Këngëtari po ashtu zbuloi se në muajt në vijim do të vijë edhe me një bashkëpunim me Elvana Gjatën. “Pas koncertit duhet të fillojmë punën për bashkëpunimin. Unë me Elvanën kemi një marrëdhënie shumë të mirë dhe ka për të dalë diçka shumë e bukur”, tha Luizi.
