Ditën e djeshme, Einxhel Shkira konfirmoi se është në pritje të fëmijës së saj të parë me partntin e saj Dj Dagz, të cilin e njohu brenda formatiti “Big Brother Vip.”
Einxhel dhe Dagz ishin vetëm një nga çiftet e këtij sezoni të parë të “Big Brother Vip”, megjithatë ata janë çifti i parë i këtij formati që do të bëhen prindër. Po ata nuk janë të vetmit që dolën çift nga një reality-shoë si “Big Brother”, dhe së shpejti do të bëhen prindër.
Ndër vite formati ka nxjerrë çdo vit të paktën një çift, që u njoh brenda formatit. Por sot, ndonëse historitë kanë qenë të shumta, vetëm dy çifte janë bërë prindër së bashku.
Le të kujtojmë edhe njëherë bashkë se kush janë këta çifte dhe si nisi (e përfundoi) lidhja e tyre.
Çifti Ogreni dhe Neda
Në Big Brother 4, një nga marrëdhëniet më të diskutuara të atij sezoni ka qenë çifti Neda-Ogren. Në fillim të gjithë ishin skeptikë për lidhjen e tyre, madje çifti nuk kishte as ‘bekimin’ e banorëve të tjerë. Por ata sot janë burrë e grua dhe prindër të dy djemve.
Ky çift është i vetmi që ka qëndruar ende së bashku që nga nisja e lidhjes para telekamerave. Mesa duket dashuria, që dukej si lojë në fillim, paska qenë më e fortë sesa e kemi menduar ne të gjithë.
Neda Karafili dhe Ogren Balluku u martuan verën e 2015-ës dhe sot janë prindër djemve, Serzh dhe Zai.
Çifti Alma dhe Çimi
Ata u njohën në shtëpinë e “Big Brother”, ku edhe ra në sy një pëlqim mes tyre, por nuk shkuan më tej. Pas daljes, Alma dhe Çimi nisën një histori dashurie dhe jo vetëm kaq, por u zhvendosën së bashku në Itali dhe u bënë prindër të një vajze.
Por pas disa vitesh edhe kjo dyshe u nda, duke vijuar jetën vetëm si prindër të vajzës së tyre, Giulia./panorama plus