“A mund të shkoj në paqe te psikologu? Është një moment i dhimbshëm”, kështu i është përgjigjur Chiara Ferragni, teksa i filmua nga korrespondenti i “Pomeriggio 5” duke shkuar te psikologu, i cili me siguri do ta pyeste për ndarjen e saj nga Fedez.
Chiara zbret nga makina me fytyrë të mërzitur, nuk dëshiron të flasë, por teksa hyn në pallatin ku ndodhet studio shkëmben fjalët e mësipërme me gazetarin, duke përmbledhur vuajtjet e shkaktuara nga përfundimi i marrëdhënies së saj me Fedez.
Ndërkohë në rrjetet sociale jeta vazhdon. Biznesmenia dhe reperi, pas lajmit të ndarjes vijojnë secili në rrugën e vet. Fedez ka thyer heshtjen nga kriza martesore, duke publikuar episodin e ri të podcast-it të tij ‘Muschio Selvaggio’, ku intervistoi mjeshtrin e madh të masonerisë Giuliano Di Bernardo. Një intervistë që varion mes sekreteve të Italisë dhe masonerisë ndërkombëtare, por nuk mungon t’i japë disa momente të qeshura reperit.
Ditët e fundit Chiara Ferragni ka ndarë në rrjetet sociale disa momente të kaluara në shoqërinë e familjes dhe miqve, nga e diela me motrat e tij Valentina dhe Francesca e deri te përqafimi me mikun e saj më të mirë Angelo Tropea.
“Zoti e bekoftë miqtë më të mirë të cilët janë me ty kur ke nevojë për ta, duke të shëruar me dashurinë e tyre”, u shpreh influencuesja Ferragni.