Robert De Niro ka reaguar për herë të parë pas humbjes tragjike të nipit të tij 19-vjeçar, Leandro De Niro Rodriguez.
“Jam i pikëlluar për vdekjen e nipit tim të dashur Leo. I vlerësojmë shumë njerëzit që shprehën ngushëllimet e tyre. Ne po kërkojmë privatësi për të mbajtur zi për Leon”, – tha aktori.
Lajmin për vdekjen e ka bërë të ditur vajza e madhe e De Niros, nëna e 19-vjeçarit përmes një postimi në Instagram.
“Engjëlli im i bukur i ëmbël. Të kam dashur shumë që nga momenti që të ndjeva në bark. Ti ishe gëzimi im, zemra ime dhe gjithçka që ishte e pastër dhe e vërtetë në jetën time. Do të doja të isha me ty tani. Do të doja të isha me ty. Nuk di si të jetoj pa ty, por do të përpiqem të vazhdoj dhe të përcjell dashurinë dhe dritën që më bëre të ndjeja kur u bëra nëna jote. Ti ishe i dashur dhe i vlerësuar. Uroj që vetëm kjo dashuri të të shpëtojë. Më vjen shumë keq, Carlos (babai i Leandros). U prehsh në paqe dhe në parajsë të përjetshme”.
Leandro De Niro Rodriguez aspironte të bëhej aktor dhe regjisor. Në fakt, ai mori pjesë me nënën e tij në filmin “A Star Is Born” të vitit 2018 dhe pati role në filmat “Cabaret Maxime” (2018) dhe “The Collection” (2005).
