Një ndër çiftet më të komentuara në median rozë në vend janë padyshim Bora Zemani dhe Donald Veshaj. Historia e tyre e dashurisë bëri bujë me pjesëmarrjen e aktorit në edicionin e parë të Big Brother VIP Albania. Pas uljeve dhe ngritjeve në marrëdhënie që erdhi me përplot sfida për ta, dyshja tashmë po shijojnë një lidhje të bukur romantike dhe këtë nuk e fshehin as në rrjete sociale.
Sot është një ditë e veçantë për moderatoren, e cila po feston ditëlindjen e 31-të. Ajo ka ikur për disa ditë pushim në vend me dëborë së bashku me partnerin e saj dhe miqtë e ngushtë, mirëpo nuk e kanë bërë publike vendndodhjen. Në këtë ditë kaq të veçantë për moderatoren, sigurisht që nuk ka munguar as urimi i Donaldit për të. Ai ka postuar një imazh të Borës në InstaStory duke i bashkangjitur edhe një mesazh dashurie.
“Për ty botën. Gëzuar ditëlindjen shpirt”, ka shkruar Donaldi.
Kjo periudhë ka qenë shumë intensive në aspektin profesional për çiftin Bora-Donald pasi të dy kanë qenë të impenjuar me emisonet e tyre.