Policia ka arrestuar në Rinas të dielën e 16 prillit këngëtarin e njohur Cllevio Serbiano (Kleviol Ahmeti).
Kjo, pasi ka përndjekur dhe ka kërcënuar me jetë reperin Rigels Rajku (Noizy).
Mes palëve ka pasur përplasje të vazhdueshme që ka përshkallëzuar deri në sherre fizike.
Cllevio Serbiano, emri i vërtetë i të cilit është Kleviol Ahmeti është emër i njohur për drejtësinë.
Incidenti i fundit që mbante firmën e tij ishte kur po lëvizte me Aleks Vishajn me shpejtësi skëterrë mbi 300 km/h.
Këtë moment, Ahmeti e filmonte duke e përgëzuar për atë që po bënte, ndonëse rrezikonte jetën e tij dhe të tjerëve.
Kujtojmë që Cllevio është vënë nën hetim për vendosjen e kamerave spiune në Lushnjë që i shërbenin grupeve kriminale.
Disa muaj më parë ai u përplas fizikisht me Noizy-n në lokalin e reperit në Durrës duke thyer kështu masën e sigurisë ‘arrest shtëpie’.
