Mosprezenca e Albin Kurtit ditën e sotme në Tiranë, ku pritet të takohen liderët e rajonit dhe komisioneri Oliver Varhelyi ka ngjallur shumë dyshime në lidhje me marrëdhënien e tij me kryeministrin Edi Rama.
Qeveria e Kosovës, në një deklaratë të lëshuar për mediat ka konfirmuar mosprezencën e Kurtit ditën e sotme në Tiranë me argumentin se ai do të jetë në Kretë të Greqisë në një konferencë. Qeveria e Kosovës ka konfirmuar se Kurti e ka njoftuar Ramën personalisht për mosprezencën e tij në mbledhjen joformale që pritet të mbahet sot.
Kujtojmë se Albin Kurti nuk e priti në Kosovë Edi Ramën disa javë më parë teksa ky i fundit po mbante turin e tij ballkanik.