Këngëtari Alban Ramosaj ka bërë një njoftim të papritur për publikun dhe fansat e tij. Në një postim në Facebook, Ramosaj shkruan se do të tërhiqet nga karriera e tij artistike.
Ramosaj thotë se pak nga pak ka kompromentuar thelbin e asaj që përshkruan uni-n e tij artistik dhe ndikimet e jashtme kanë përfshirë kreativitetin e tij.
“Gjatë jetës sime, kam jetuar me filozofinë e përqafimit dhe ndjekjes se ëndrrave dhe aspiratave të fëmijës së brendshëm. Autenticiteti që artisti, veçanërisht muzikantët sjellin në veprat e tyre, gjithmonë ka rezonuar thellë me mua. Megjithatë, kam kuptuar që pak nga pak, kam kompromentuar thelbin e asaj që përshkruan uni-n tim artistik”, shkruan Ramosaj.