Reperi i njohur me origjinë shqiptare, Azet është përfshirë së fundmi në një aksident në Kosovë. Ngjarja ka ndodhur në Prishtinë, pranë konvikteve dhe mësohet se për fat të mirë ka përfunduar pa lëndime në njerëz.
Nga fotot e siguruara në vendngjarje shihet se Mercedes-i i tij luksoz është goditur nga një makinë Golf.
Kujtojmë se reperi shumë i njohur në Europë tërhoqi vëmendjen mediatike me një postim të bërë në Instagramin e tij në lidhje me Dua Lipën. Azet postoi një foto të tijën duke bashkangjitur personazhin e animuar Mickey Mouse, i cili dukej i trishtuar dhe me shigjeta pas shpine.
“Jam single përsëri”- ka shkruar reperi duke etiketuar Duan. Ende nuk ka një reagim nga ana e kësaj të fundit, por dimë tashmë që Azet paska një pëlqim ndaj këngëtares.
