Sipas RTK-së, Serbia ka bërë përpjekje për të vrarë kreun e qeverisë së Kosovës pas përballjes me Aleksandër Vuçiç në Këshillin e Sigurisë në OKB.
“Burime të besueshme nga institucione të sigurisë në Kosovë, se menjëherë pas mbledhjes së KS të OKB-së, kanë siguruar të dhëna se nga Serbia ka përpjekje për vrasjen e kryeministrit të Republikës së Kosovës, Albin Kurtit në Shkup ku ka qëndruar mbrëmë”, raporton RTK.
Kryeministri Kurti ka mbërritur në Shkup mbrëmjen e të premtes ku është pritur nën masa të rrepta sigurie, në koordinim me institucionet e sigurisë së Maqedonisë së Veriut. Burime për RTK thanë se kërcënimet me jetë ndaj Kurtit kanë qenë serioze.
Kryeministri Kurti ka mbërritur sot në Kosovë dhe bashkëpunimi i institucioneve të sigurisë mes Kosovës dhe Maqedonisë së Veriut ka siguruar perimetrin e sigurisë së Kurtit, raporton media shtetërore e Kosovës.