Gjykata e Posaçme do të zhvillojë nesër seancën gjyqësore për verifikimin e masës së sigurisë për Jamarbër Malltezin dhe ndërtuesin Fatmir Bektashi, lidhur me akuzat e ngritura për privatizimin e ish-kompleksit Partizani.
Seanca do të mbahet nesër në orën 13:30. Për ish-kryeministrin Sali Berisha nuk ka ende një njoftim për verifikimin e masës së sigurisë “detyrim paraqitje”.
Agjentët e Policisë së Shtetit zbarkuan dje në selinë blu për t’i komunikuar Berishës masën e sigurisë dhe për t’i marrë pasaportën, pasi në kuadër të hetimeve, ish-kryeministri e ka të ndaluar të dalë jashtë vendit.