Një tjetër vrasje ka ndodhur në një lokal të Kosovës. Policia raporton se ditën e sotme, dy persona të armatosur dhe të maskuar kanë qëlluar me breshëri plumbash në një lokal në Skënderaj, duke lënë të vdekur një person dhe duke plagosur 3 të tjerë.
Raportohet se ka ndërruar jetë 39-vjeçari me iniciale N.L. Të plagosurit janë dërguar në spital dhe njërit prej tyre i është amputuar njëra këmbë për shkak të plumbave që ka marrë.
Policia ka ngritur pika kontrolli në të gjithë vendin dhe po kërkon për autorët e vrasjes.
Disa ditë më parë, gjatë një sherri në një lokal në Prishtinë pati shkëmbim zjarri ku ndërroi jetë 1 person dhe u plagosën 17 të tjerë.