Këngëtarja e njohur Celine Dion vijon të qëndrojë larg skenës për shkak të problemit shëndetësor me të cilin po përballet.
55-vjeçarja u diagnostikua në fillim të këtij viti me “Sindromën e Personit të Ngurtë”. Këngëtarja e hitit “My Heart Will Go On” u detyrua të anulonte pjesën tjetër të turneut të saj Botëror Courage, i cili do të vazhdonte deri në prill të vitit të ardhshëm.
Motra e saj, Claudette, ka treguar se si motra e saj është përballur me sëmundjen ndërsa përpiqet të rehabilitohet.
Në një intervistë me Le Journal de Montreal, Claudette zbuloi se motra tjetër, Linda, është zhvendosur në shtëpinë e Celine, ku ajo gjithashtu jeton me tre djemtë e saj René-Charles, Eddy dhe Nelson.
“Kur e telefonoj dhe ajo është e zënë, flas me motrën time Linda që jeton me të dhe më thotë se po punon shumë. Ajo po dëgjon sa më shumë studiuesit më të mirë në fushën e kësaj sëmundjeje të rrallë”, u shpreh Claudette.
