Serbët e grumbulluar përpara ndërtesës së Komunës së Leposaviçit kanë goditur me vezë dhe me ngjyrë të kuqe makinën e ministrit të Infrastrukturës në Kosovë, Liburn Aliu. Ky i fundit kishte shkuar në komunën e Leposaviçit për të takuar kryetarin e ri të komunës Lulzim Hetemi.
Kryetari i sapoemëruar, Lulzim Hetemi ka 16 ditë që nuk ka dalë nga ndërtesa për të mos shkaktuar ndonjë incident me serbët e Kosovës të cilët protestojnë përpara Komunës.
Më momentin kur ministri ka dalë jashtë, serbët e grumbulluar kanë hedhur ngjyrë të kuqe dhe vezë në drejtim të makinës së ministrit, i cili më pas është përcjellë në drejtim të stacionit të policisë.