Festivali “Sunny Hill” nuk do të zhvillohet këtë vit. Lajmi është bërë me dije nga vetë këngëtarja Dua Lipa.
Ajo ka sqaruar edhe motivet pse është marrë ky vendim me anë të një postimi në rrjetet sociale.
“Ne besojmë se nxitimi i procesit të punës do të zvogëlonte cilësinë dhe esencën e asaj që Sunny Hill Festival përfaqëson. Duke qenë edhe vet fansa të muzikës dhe festivaleve, ne besojmë shumë në ofrimin e përvojës unike dhe të jashtëzakonshme që ne si festival duhet ta ofrojmë. Prandaj, kemi marrë vendimin e vështirë për ta shtyrë edicionin e sivjetmë të Sunny Hill Festival, që t’i japim kohë krijimit të hapësirës së re. Ruani datat për një edicion masiv të Sunny Hill Festival në fundjavën e parë të gushtit 2024”, është theksuar në deklaratë.
Vitin e kaluar u organizuan dy koncerte tre ditore, një në Tiranë dhe një në Prishtinë, e ndërsa tashmë do të mbahet në 2024.