Betohen sot 3 kryetarë të komunave të veriut të Kosovës së zgjedhur më 23 prill. Ceremonitë pritet të zhvillohen në institucione publike në fshatra shqiptare në komunat e Zveçanit, Zubin Potokut dhe Leposavic.
Më herët u betua kryetari i komunës së Mitrovicës së Veriut, Erden Artiq. Ceremonia e betimit të tij u bë në godinën e komunës nën masa të shumta sigurie ndërsa nuk u shënuan incidente. Në zgjedhjet e jashtëzakonshme të 23 prillit, për herë të parë u zgjodhën shqiptarë për të drejtuar 4 komunat e veriut, kjo pasi lista serbe i bojkotoi zgjedhjet.