Qytetarët e Kosovës nuk do të mund të udhëtojnë pa viza në Spanjë, edhe pas liberalizimit të tyre më 1 janar 2024. Pavarësisht se janë 5 shtete të BE që nuk e njohin Kosovën, Spanjë gjithashtu nuk i njeh as pasaportat.
“Njohja e dokumenteve të udhëtimit është një kompetencë shtetërore. Në mesin e vendeve të Schengenit, të gjithë, pos një vendi, i kanë njohur dokumentet e udhëtimit të Kosovës. Kjo do të thotë se liberalizimi i vizave për Kosovën do t’iu mundësojë atyre që kanë pasaporta të Kosovës që të udhëtojnë pa viza në të gjitha këto vende, përveçse në njërin prej tyre”, tha Anitta Hipper, Zëdhënëse e KE.
Spanja, e cila prej 1 korrikut merr edhe kryesimin e Bashkimit Evropian, gjatë procesit të miratimit të vendimit për vizat, nuk ka kundërshtuar.
Vendet tjera që nuk e njohin Kosovën janë: Greqia, Qiproja, Rumania dhe Sllovakia, por që i njohin pasaportat e lëshuara nga autoritetet e Kosovës.