Një person me shtetësi kosovare ka sulmuar një polic në pikë kalimin kufitar në Jarinjë. Sipas policisë, agresori, menjëherë pas sulmit ndaj policit, është larguar në drejtim të paditur. Sipas mediave kosovare, polici i sulmuar ndodhet në spital duke marrë trajtimin e duhur mjekësor dhe fatmirësisht është në gjendje të mirë shëndetësore.
Sipas autoriteteve kosovare, efektivi i policisë është sulmuar teksa ishte në detyrë pasi i ka kërkuar agresorit që të dilte nga mjeti dhe t’i kryente kontrollet e nevojshme. I shpalluri në kërkim nuk e ka pranuar këtë kërkesë duke e dhunuar policin.