Aktorja Olta Gixhari ka pësuar abort spontan para se të hynte në shtëpinë e BBV. Gjatë një bisede me banorët e tjerë ajo ka rrëfyer se po tentonte të bënte një fëmijë tjetër, por e humbi.
“Para se të hyja këtu tentova të bëja një fëmijë tjetër, ngela shtatzënë, por e humba. Isha shumë e vogël, 4 javëshe. Asnjë nuk e di, Dori e dinte. Unë gjërat i kaloj me sportivitet, por në fakt e humba. Jam edhe pak supersticioze. Nëse nuk do e kisha humbur, sigurisht nuk do isha këtu, ditët e para që unë isha në dilemë nëse po e humbja apo ishte një gjë normale që po ndodhte. I thashë vetes nëse e humb fëmijën, do hy në shtëpinë e BBV. Kam qenë deri në hotel, nuk vij, do dal, do iki. Deri kur vura këmbën në shtëpi, thashë “ok” kjo është një shenjë. Por e humba”, tha Olta Gixhari.
Aktorja prej disa kohësh është larguar nga Shqipëria dhe është zhvendosur për të jetuar në Spanjë me bashkëshortin e saj, Dorin, identitetin e të cilit është munduar që ta mbajë sa më të fshehtë. Çifti janë prindër të një djali, Amar, portreti i të cilit u zbulua në një videomesazh të përgatitur nga produksoni për Olta Gixharin.