Big Brother Vip Albania do të vijë në shtëpitë e të gjithë shqiptarëve. Mësohet se spektakli i cili vitin e kaluar theu rekorde shikueshmërie, do të nisë as më pak e as më shumë se mbrëmjen e Krishtlindjeve. Konkurrentët e dytë të edicionit të reality show-t më të ndjekur në Shqipëri do të futen në shtëpinë më të famshme mbrëmjen e 24 Dhjetorit.
Shtëpia ku ata do të qëndrojnë pritet që të jetë e rikonceptuar me arredim ndryshe dhe sipas llogarive duket se duhet të jetë drejt përfundimit.
Arbana Osmani mesa duket do të ketë një javë mjaft intensive, në prag të festave duke qenë se po në të njëjtën periudhë do të jetë në drejtimin e Festivalit të RTSH, i cili përfundon vetëm pak ditë para se të startojë Big Brother.