Vijon fenomeni i zbardhjes së koraleve, i katërti i dokumentuar deri më sot. Konfirmimi mbërrin nga Agjencia amerikane për atmosferën dhe oqeanet Noaa. Stresi termik është shkaku kryesor i humbjes së pigmentit të koraleve, që vjen si pasojë e vdekjes së algave që jetojnë në simbiozë me to. Shtrirja është mjaft e lartë, nga Oqeani Atlantik, Paqësor dhe ai Indian.
Duke nisur nga viti 2023 dhe deri më sot zbardhja masive e barrierave koralore ka prekur vendet tropikale, përfshirë Florida, Karaibet, Brazilin, Meksikën, El Salvador, Costa Rica, Panama, Kolumbi. Gjithashtu e prekur është barriera e madhe koralore australiane, por edhe zona të gjera në Ishujt Fiji, Tuvalu, Kiribati, Samoa dhe Polinesi franceze, Detin e Kuq, Gjirin Persik por edhe Tanzani, Kenya Seychelles në Oqeanin Indian.
Uji i oqeaneve shënon temperature në rritje, gjë që sjell efekt zinxhir dhe nëse vijojnë për kohë të gjatë, nuk rrezikohet vetëm zbardhja e tyre, por edhe vdekja e këtyre gjallesave.