Një zjarr i madh ka përfshirë gjatë natës malin e Shpiragut duke djegur 40 ha me shkurre dhe ferra, si edhe 100 rrënjë pemë frutore.
Flakët u favorizuan edhe nga era e madhe e cila i përhapi në sipërfaqe më të gjera. Forcat zjarrfikëse mbërritën në vendngjarje me pompa uji dhe mjete rrethanore pasi rruga e keqe nuk i lejoi të merrnin mjete të tjera.
Zjarri u shua në orët e para të mëngjesit. Flakët nuk shkaktuan dëme te banesat e njerëzve përreth.