Ish-kryeministri suedez Stefan Lofven është zgjedhur Presidenti i ri i Partisë Socialiste Evropiane. Votimi për presidentin e ri u mbajt në Berlin në ditën e dytë të kongresit. Stefan Lofven do të zëvendësoj socialistin bullgar Sergej Stanishev.
Menjëherë pasi u zgjodh President i PSE-së, Stefan Lofven mbajti një fjalim përpara të pranishmëve duke u shprehur se duhen ndërmarrë hapa dhe duhet punuar në ndërtimin e institucioneve demokratike.
“Ne jetojmë në kohë të trazuara. Situata shumë serioze e sigurisë, kërcënimi klimatik, pabarazitë në rritje dhe kërcënimi ndaj demokracisë janë disa nga sfidat kryesore me të cilat përballemi së bashku. Në kohë si këto, socialdemokratët e Evropës kanë një rol vendimtar për të luajtur.”
I pranishëm në kongresin e Partisë Socialiste Evropiane është edhe Edi Rama i cili ka marrë pjesë në zgjedhjen e Presidentit të ri.