Që nga caktimi i datës së zgjedhjeve nga presidenti Begaj, 14 maj 2023, kanë filluar lëvizjet e partive politike për të biseduar për koalicionet e mundshme. Ish-kryeministri Sali Berisha dhe kreu i Partisë së Lirisë, Ilir Meta zhvilluan ditën e sotme një takim në selinë e Partisë Demokratike.
Ky është takimi i dytë që Meta dhe Berisha zhvillojnë së bashku. Tre javë më parë, Meta i shkoi Berishës në takim, ku edhe konfirmuan se do të bashkëpunojnë për zgjedhjet vendore.
Menjëherë pas takimit me Berishën, Ilir Meta ka dhënë një deklaratë për mediat. Ai theksoi se respektojnë primaret e Berishës dhe se në disa zona do të fusë edhe Partia e Lirisë kandidatët e tyre në primare.
“Jemi në një sintoni të plotë. Kryetari i ardhshëm i bashkisë, së opozitës që do triumfojë dhje kryetari i ë këshillit të bashkisë do bëjnë spektakël të jashtëzakonshëm në pak muaj. Partia e Lirisë respekton primaret, risi e jashtëzakonshme,. Kemi kërkuar që të realizohet sa më shpejt ky proces kudo ku kemi kandidatë ët cilët premtojnë për kom e tyre do ti përfshijmë në primare të përbashkëta me PD dhe parti të tjera të opozitës, e rënd që kandidatët të respektojnë njeri-tjetrin, përndryshe se cilido shfrytëzon primaret për të dëmtuar kandidatin tjetër të përjashtohet nga gara. I propozova Sali Berishës për një emër për ‘Parlamentit e Ri të Tiranës’ dhe ishte në dakordësi të plotë. Çdo ditë të hënë do ketë Këshill Bashkiak në Tiranë do jetë 24 orë live, do dëgjohet fjala e qytetarëve”, tha Meta.
Kujtojmë se nesër pritet firmosja e marrëveshjes Partia Demokratike-Partia e Lirisë për të dalë së bashku në zgjedhjet vendore të 14 majit 2023.