Pas emërimit të Dallëndyshe Bicit në krye të Agjencisë Shtetërore të Kadastrës, Agim Ismaili do të jetë kreu i ri i Inspektoratit Kombëtar të Mbrojtjes së Territorit. Vendimi është bërë me dije ditën e sotme, e ndërsa ky ndryshim erdhi pas shkarkimit të Artan Lames.
Më parë Ismaili ka mbajtur postin e drejtorit të Përgjithshëm të Burgjeve, ku do të mbahet mend për implementimin e sistemit 41 bis.
Ai gjithashtu ka mbajtur postin e kreut të Autoritetit Kombëtar të Ushqimeve, si dhe postin e nëndrejtorit të pastrimit të Parave.
Ismaili është diplomuar për Inxhinier elektroteknik në vitet 1992. Më pas ka kryer master shkencor në Akademinë e Rendit si specialist i lartë policie dhe në vitin 2001 ka përfunduar studimet e larta për Drejtësi.