Mediat italiane vijojnë të shkruajnë dhe të japin detaje në lidhje me ngjarjen horror që po mban peng prej gati një muaji ekspertët më të mirë të hetimit vendas. Sipas të dhënave bëhet me dije se vazhdojnë hetimet për vrasjen mizore të 71-vjeçarit shqiptar në Itali, Shefki Kurti.
Zjarrfikësit dhe zhytësit iu rikthyen punës pasditen e së enjtes së 18 gushtit, pak metra larg shtëpisë ku banonte Kurti, pensionisti shqiptar i Badia Polesine, që u gjet i vrarë dhe i copëtuar.
Ata u zhytën në ujërat e Adigettos, përsëri në kërkim të diçkaje që mund të rezultojë e tmerrshme, tronditëse, shtazarake. Hetimet, edhe pas zbulimit të të gjitha pjesëve të ndryshme të trupit, të paktën kështu mendohej deri në këtë inspektim të ri, nuk u ndalën kurrë. Në banesën e 71-vjeçarit është kryer një kontroll i imtësishëm nga karabinierët.
Paralelisht hetuesit kanë vijuar hetimet. Tani, një ndërhyrje e re, së bashku me zhytësit, në ujërat e Adigetto, në Riviera Miani, në lartësinë e urës përballë të ashtuquajturit rrokaqiell, shumë pranë shtëpisë në rrugën Ghirardini ku banonte 71-vjeçari. Policia dhe hetuesit janë hermetikë rreth asaj se çfarë po kërkojnë saktësisht me këtë kërkim të ri.
Ka mundësi që autopsia të ketë nxjerrë në pah mungesën e pjesëve anatomike, ndoshta të vogla, por të rëndësishme për qëllime hetimore. Apo ndoshta hetuesit po kërkojnë armën e krimit, të cilën autori i vrasjes së tmerrshme mund ta ketë hedhur në kanal. Ose ndonjë objekt tjetër që mund të lidhet me vrasjen dhe zgjidhjen e saj.
Këto janë supozime, sigurisht. Por e sigurt është se është se rrethi po ngushtohet dhe se po grumbullohen një sërë gjetjesh domethënëse, në nivel hetimor. Për të dhënë përgjigjen për një vrasjeje të tmerrshme siç nuk e kishin parë prej disa kohësh, në Polesine.
Jashtëzakonisht shqetësues është dhe një tjetër element tjetër, planifikimi i vrasjes. Dyshimi i fortë është se autori ose autorët donin që viktima të gjendej pas copëtimit të frikshëm. Përndryshe, vendimi për të hedhur pjesët anatomike në një kanal të thatë, rrjedha e të cilit është e bllokuar nga brava, nuk do të shpjegohej.
Me atë trup të torturuar, dikush donte të lëshonte një paralajmërim të tmerrshëm, që kushdo që do të duhej ta kuptonte, ta kuptonte atë. Megjithatë, duket se edhe hetuesit janë në rrugën e duhur për të kuptuar dhe zgjidhur këtë mister të tmerrshëm.
