Kryeministri hungarez Viktor Orban zhvilloi sot një vizitë zyrtare në Tiranë gjatë të cilës u takua me kryeministrin Rama.
Orban u shfaq kritik me Bashkimin Evropian kur foli për integrimin e Ballkanit Perëndimor. Ai tha nga Tirana se është e turpshme të shohësh se sa ngadalë po ecën zgjerimi i BE-së.
Kryeministri deklaroi se nëse edhe për 10 vitet e ardhshme prespektivat do të mbeten të njëjta, do të mbetet vetëm Gjermania mes vendeve më të zhvilluara.
“Është e turpshme sa avash po ecën zgjerimi i Bashkimit Evropian. I hodha një sy agjendës dhe Shqipëria ka duruar 13 vite për hapjen e negociateve. Pas 10 viteve nëse prespektivat janë të sakta, vetëm Gjermania mund të ngelet në 10 vendet më të zhvilluara të botës nga shtetet e BE-së. Nëse zgjerimi ecën me këtë ritëm kaq të ngadaltë mund të them që është një ritëm vetëvrasës. Nuk e di si do t’ia bëjë Evropa në të ardhmen. Për këtë arsye Hungaria mbështet integrimin e Shqipërisë dhe Ballkanit Perëndimor në Bashkimin Evropian”, tha Orban.