Një gomone e cila po tërhiqej nga një automjet është shkëputur dhe ka përfunduar në trotuar, duke goditur dhe një automjet që ndodhej në anë të rrugës.
Ngjarja ka ndodhur në rrugën kryesore të qytetit të Shëngjinit. Në atë moment ka pasur kalimtar të shumtë në trotuar por fatmirësisht kanë shpëtuar për mrekulli.
Policia ka shkuar në vendin e ngjarjes dhe ka shoqeruar në komisariat drejtuesin e automjetit që po tërhiqte gomonen.
