Kryetari i Bashkisë së Tiranës, Erion Veliaj paditi për shpifje ish-kryeministrin Berisha, i cili mungoi në seancën e parë të pajtimit. Në daljen e tij për mediat, Veliaj tha se Gjykata e Posaçme i kërkoi policisë shoqërimin me force të tij në seancën e radhës më 19 maj, pasi ish-kryeministri dhe avokati ishin njoftuar për ditën e gjyqit.
“Sali Berisha ka mbjellë urrejtje dhe përçarje dhe shpifje dhe ka promovuar kulturën që tii hidh baltë, mjafton që ta njollosësh dikë pa pikë përgjegjësie. Sot gjykata vendosi që në datën 19 Maj në orën 10:00, Sali Berisha do të shoqërohet nga policia për paraqitje të detyrueshme në gjykatë”, tha Veliaj.
Kjo padi erdhi pas deklaratës të Sali Berishës më 7 prill ku akuzoi se kryebashkiaku ka lidhje me Iranin dhe me financat e gardës revolucionare.