Ditën e mërkurë vendi ynë do të vijojë të ndikohet nga pothuajse e njëjta situatë meteorologjike me mbizotërim të motit të kthjellët si dhe rënie të mëtejshme të temperaturave në vlerat minimale. Vlen të theksohet prezenca e ngricave të forta në akset rrugore, kryesisht përgjatë relieveve malore si dhe mjegull e mjegullinë në zonat luginore.
Era do të fryjë me drejtim verilindje- veriperëndim me shpejtësi mesatare 1-5m/s, ndërsa në bregdet era arrin shpejtësi deri 11m/s duke bërë që valëzimi në dete të jetë i forcës 1-3 ballë.
Temperaturat parashikohen në zonat malore -4 deri 4°C, në zonat e ulëta 0 deri 11°C dhe në zonat bregdetare 2 deri 12°C.
