Klaudia Lata u vra në moshën 21-vjeçare në përplasjen e dy trenave në Tempe, një vit më parë.
Në kujtim të shqiptares, kanë nisur procedurat për të riemërtuar rrugën “Solona” në lagjen Nea Smyrni në Larisa, e për t’i dhënë emrin e Klaudias.
Propozimi për riemërtimin e rrugës u vendos unanimisht në mbledhjen e Komunitetit të 3-të majin e kaluar dhe së fundi Komisioni i Emërtimeve pranoi me shumicë propozimin për riemërimin e rrugës “Solon” në rrugën “Alexandras Lata”.
Klaudia kishte shkuar në Patra dhe po kthehej me tren në Selanik, për të vazhduar jetën studentore. Pas kthimit në Selanik, prindërit e saj iu lutën të bënte një ndalesë në Larisa që ta shihnin për pak kohë.
Por 21-vjeçarja nuk pranoi. Ajo donte të mbërrinte shpejt në Selanik për të pushuar për disa orë para se të fillonte sërish studimin. Ky vendim do të rezultonte fatal për jetën e saj.
