Gjatë ditës së sotme janë regjistruar dy shpërthime me lëndë plasëse në Kamzë. Në fillim i është vënë eksplozivi shtëpisë së shtetasit A. A., në rrugën “3 Dëshmorët” Yzberisht e cila nuk ka lënë pas dëme apo viktima.
Shpërthimi i dytë është regjistruar në rrugën “Kujtesa” në Kamzë tek shtëpia e shtetasit M. Z. ku si pasojë është dëmtuar porta e banesës. Nuk dihet ende arsyeja e dy ngjarjeve të rënda.
Njoftimi i Policisë:
Më datë 10.08.2022, në orët e para të mëngjesit, në rrugën “3 Dëshmorët”, në afërsi të banesës së shtetasit A. A., dyshohet se shpërthyer një sasi lënde plasëse, pa shkaktuar dëme. Po punohet për sqarimin e rrethanave të ngjarjes. Më datë 10.08.2022, në orët e para të mëngjesit, në rrugën “Kujtesa” në Kamzë, para banesës së shtetasit M. Z., ka shpërthyer një sasi e vogël lënde plasëse dhe si pasojë është dëmtuar porta e banesës. Po punohet për sqarimin e rrethanave të ngjarjes. Materialet i kaluan Prokurorisë, për veprime të mëtejshme procedurale.
