Prishja e baterive të serverëve në katin -1 në urgjencën e re të QSUT-së ka shkaktuar zjarr në ambientet e bodrumit të spitalit duke ngjallur panik tek pacientët por edhe tek stafi mjekësor. Ka qenë zjarrfikësja ajo e cila ka vendosur nën kontroll situatën e ndodhur rreth orës 05:30 të mëngjesit të sotëm.
Burime bëjnë me dije se të sëmurët që ishin të shtruar në urgjencën e re të QSUT-së janë transportuar në Sanatorium në Sauk për çështje sigurie. Asnjëri prej pacientëve nuk ka shfaqur probleme nga tymi që shkaktoi prishja e serverëve.
Zjarrfikëset janë shprehur se nuk ka pasur flakë por vetëm tym, ndërkohë që policia shprehet se shkëndija elektrike ka shkaktuar zjarr.