Në Stamboll, u krye një bastisje në shkallë të gjerë në dhjetëra adresa të pjesëmarrësve të mundshëm në skemën e mashtrimit të investimeve, më shumë se 130 persona u arrestuan.
Lajmi bëhet i ditur nga Hurriyet Daily News.
Oficerët e policisë nga departamenti i krimit kibernetik të policisë së Stambollit, me mbështetjen e njësive të tjera të zbatimit të ligjit, bastisën 88 adresa ku mund të ndodheshin 153 të dyshuar për përfshirje në skemë.
Janë ndaluar 132 persona, po hetohet.
Nga hetimi rezultoi se të dyshuarit kanë krijuar kompani të paligjshme të cilat nuk ishin të regjistruara nga Autoriteti i Tregut të Kapitalit (SPK).
Ata joshnin klientët për të bërë investime dhe përfunduan duke përvetësuar paratë e tyre, duke pretenduar se investimet kishin dështuar.
Më tej, rreth 160 kompani ndihmuan për të “fshirë gjurmët” e parave të vjedhura.
Fondet dyshohet se janë tërhequr në Britani dhe Mal të Zi.
Sipas vlerësimeve paraprake, mashtruesit fituan kështu rreth 520 milionë dollarë.
